Amorebieta, Getxo eta Bilbon, 18: 00etatik 20: 00etara.
Triatloiaren eta kirolaren munduan erreferente diren kalitatezko 6 hizlari arduratuko dira landu beharreko alderdiei ikusgarritasuna emateaz.
Amorebietan (Zelaieta Zentro Zibilean) Lide Azuetak (Mugarra Triatloi Taldea) hitz egingo du “Emakumezkoen Triatloia. Egiteko dagoena”ri buruz, eta Ainhoa Muruak “Kirol ibilbide baten gauzatzea” jorratuko du.
Getxon (Fadurako Igerilekuak) Peru Alfarok (Atletico San Sebastian) “Nola hobetu ur irekietako igeriketa” izango du hizpide eta Iñaki Arenalek (hautatzaile nazionala), berriz, “Triatloiaren iragan, oraina eta etorkizuna. Zer aldatu da?” inguruan hitz egingo du.
Amaitzeko, Bilbon (Club Deportivo Bilbao), Iñigo Mujikak “Lehiaketa aurreko zorrozketa (Tapering) triatloian” gaia azalduko du eta Jon Iriberrik, berriz, “Biomekanika. Irabazi marjinalak?”.
Izen emateak irekita Kirolaren Euskal Eskolan
Jardunaldi hauetarako izen-emateak internet bidez egin behar dira hemen partekatzen dudan estekan: izen emateak Bilbao Triathlon Prestakuntza Jardunaldiak.
