Euskadiko Triatloi Federazioa

Euskadiko Triatloi Federazioa gara eta hemen gaude zuri laguntzeko.

Jarrai gaitzazu

2023ko zirkuitu eta kluben ligako probak zehaztuta

Euskadiko Triatloi Federazioaren biltzar nagusiak lehiaketen egutegia zehaztu ondoren, zirkuitu eta Kluben Liga bakoitzerako puntuatu beharreko probak zehaztu dira.

Euskal Duatloi eta Triatloi Zirkuitua 2023

Duatloiko Euskal Zirkuitua otsailaren 26an hasiko da Mungian eta urriaren 8an amaituko da Gasteizen.

Guztira 7 proba egingo dira eta gutxienez 4 probatan puntuatu beharko da (parte hartze guztien artean 4 puntuaziorik onenak ere kontuan hartuko dira).

Triatloi Zirkuitua maiatzaren 6an hasiko da Hondarribian eta irailaren 16an amaituko da Zumaian.

Zirkuituak 11 proba izango ditu eta 6 puntu lortu beharko dira sailkatu ahal izateko (kasu honetan 6 partaidetza onenak hartuko dira kontuan).

Duatloi eta Triatloi Kluben Liga

Aurtengo berrikuntzetako bat Kluben Liga da, Euskadiko Triatloi Federazioari atxikitako kluben kirolarien parte-hartzea sustatzeko helburuarekin.

Proba guztiak hartuko dira kontuan eta modalitate bakoitzak bere liga izango du, emakumezkoen eta gizonezkoen mailak ezartzeaz gain.

Sailkapeneko 5 kirolari onenak hartuko dira kontuan, eta proban emakumeen kategoriarako gutxienez 2 parte-hartzaile ezarri dira, eta gizonezkoen kategoriarako gutxienez 3 parte-hartzaile.

Nobedade gehiago

Gai horiek guztiak 2023ko proben atalean jasota daude.
Eta nobedadeen artean dago, baita ere, kadete mailako kirolariek zirkuitu propioak izango dituztela.